因為工作既關係，我每天都會和很多不認識的人傾電話。本身我自己是很喜歡同別人溝通的，但工作關係，我地傾既話題千篇一律，仲大多數情況，我地會係敵對既立場。

自問我有一把都算溫柔敦厚既聲音，正當我用我既滿腔熱誠，試著感化緊無助既佢既時候‥‥

竟然，換來既係一句我從來都未聽過又唔係好想聽既說話：”咁你依家係咪蝦女人呀？”

刻下我心裏出現了另一句說話: “乜依家男人仲可以有能力蝦到女人咩? “

我為男仕默哀了一秒鐘，我可以為男人做的，就只有這一丁點。我又拿起聽筒跟那比我大聲，比我兇惡的女仕 繼續談(事)情。

————————————————————————————————-
我不會蝦你的，我不為也不能，我是一隻蝦而已。

如果”蝦男人”同”蝦女人”都係一度菜色，唔知蝦女人的味道好一點，定係蝦男人好味一點？如果有女性朋友試過蝦男人，不妨留言講一下蝦男人既感覺。如果你地蝦得開心，我地先會哈哈咁聲架。

自從昨夜blog過之後，我的心生起了一陣又一陣莫名其妙的興奮，很衝動的想再blog。

到底有没有一樣東西，不停重複又重複，但係又做來做去都不會生厭的呢？點解以前既人可以一生一世，依家既人唔得呢？唔通”鐵達時”的廣告效應真係咁大？人人只尋找”曾經擁有”。

我曾經擁有一件玩唔厭既玩具，佢玩唔厭既原因係佢係我玩厭之前已經失去左。如果它不只是我”曾經擁有”，我或許不會對它生厭，如果她已經離我而去，我會否想跟她”天長地久”？

如果我是一間工廠的廠長，我希望可以生產出一件玩唔厭的玩具。一個咁偉大既計劃，一間工廠未必應付得來，相信係設計出呢件玩具之前，我會先開設二廠。

第一次寫blog，多多指教。

        回想返對上一次認認真真地書寫，已經是讀書時的事了。讀幼稚園的時候，我的志願是做Q太郎，真係唔知自己果時諗乜既。到左小學三年班，我既志願係做一個大學生，果時我以為大學生係一個職業。係初中，我終於有一個比較見得人既志願了，我想做一個作家。到左高中，你問人有咩志願，人地就會答你﹕第一志願係理大bba囉……

        畢業啦，結果我做左社會大學既學生，讀左幾年，有一日係街撞到入左理大bba果個舊同學。佢岩岩讀完理大轉入黎社大，同我講佢終於實現到理想，做左一個經理，我話佢知我都達成左我的志願，我做左 “阿 Q” 太郎。