近排因為工作，忙玩，忙搞野，一直都冇寫blog。

好耐冇睇blog，身心被公司摧殘~

 尋日我地又去打波啦，雖然打咁多塲都贏，我又入三分波….

但係真係損手爛腳，d對手又狼，又唔剪指甲，我條靚手臂被佢地劃到花曬~

雖然我唔係女仔啫，都會痛架麻，唔該d 人打波剪指甲!!!!

另外我近排搞遊船河，真係好多野要夾，好在有eddy 同呀pat 幫手

今日去左打籃球，諗返起細個既野。我本身都屬於高大的類形，所以中學的時候那些朋友叫我去打波，日日放學就係打波，放假又係去打波。

但其實那個時候，我本身唔太鍾意打波。當然，我唔係討厭先啦，但一定唔係好熱血果種。我本身的性格有一定影響，我自己唔係太追求贏人既感覺，没什麼爭勝的決心，也不太投入。話雖如此，天天打波的生活也過了幾年，日子有功，我也算打得不錯﹗

畢左業之後我就有打波啦，但係近排公司d同事一撩，我又打了，一個月一次啦，每次兩粒鐘。我開始真係享受打波，每入一球，一個攔截，也令我很興奮，我這時開始慶幸當初有打到一種我不大喜歡，人玩我又玩既運動﹗

今日真係好高興，入了一球三分穿針，對不擅遠射的我來說真的很厲害﹗

講左咁多，其實我最想講打打下籃球，我個腦又諗到d 野，但係依家好眼訓，都係聽日先繼續講啦 ===========  待續

明天去澳門玩，澳門是一個賭的城市，有七成以上的人靠賭的事業餬口。

我怕輸，所以我不好賭，但我很喜歡看人家賭。看人的心理，很有趣﹗

賭仔都會有一套自己賭的哲學，很自豪的，很與眾不同的，但賭仔的行為都没兩樣，

看見人輸錢，笑人唔識賭，自己輸就係庄家做馬

看見人贏錢，話佢死好命，自己贏就係技術擊倒

我覺得賭仔很純粹，很真﹗

我也想成為賭仔，但係我不是這種料，所以我做了騙子，只好鑽研說謊的藝術。

今晚去看了無賴開的演講會，無賴的歌唱得很好。但他能開演唱會，不是因為他的歌好，而是因為他是無賴。

忽然想到，人要達到目的，這算是臥薪嚐膽，還是是不擇手段呢？

現今社會的矛盾令人很氣洩，同一時間，對於為何無賴的歌可以唱得那麼好也令我很氣憤。

同一個人在不同的地方，會有不同的功能。我在blog侃侃而談，可能現實生活中，我是半個啞巴。

前一天才被食了一篇blog，不幸的事又來了。跟隨我一年多的電腦倒下了，幾天前我才教另一個blogger試下摸個電腦個頭黎救機，真係惡有惡報。

我拿了舊notebook 出來用，頓時發現習慣的可怕。我發現年多前一直在用的電腦，放低了一段時間，個mon點解咁細架、個keybroad 咁難打既……

我那時候是怎麼用的呢？習慣，是多麼的恐怖，要是把那個人習慣了，你會跟他一生一世嗎？

我習慣了的notebook，一年前我是什麼原因換掉的呢？

如果一年前我把notebook賣了，現在我又點blog 呢？

你意興闌珊，走了，又會有需要的那個時候嗎？

想多了，但我很怕，很怕那時我只能blog，還是把notebook留下來好了。

牙痛咁聲呀﹗

我辛辛苦苦寫左一篇blog，我想save 既時候按錯左 “分類管理”，乜都冇曬~~~~~

back 都救唔返，今次blog 唔成真係好冇引…

希望下次唔好再click 錯啦。

: (